ШҰҒЫЛ! АЛТЫН ҚАЗҒАНДАР ҚҰРЫҚТАЛДЫ Толығырақ

ЖУАЛЫ АУДАНЫНА ЖАҢА ӘКІМ ТАҒАЙЫНДАЛДЫ

18:25, 14 наурыз 2019

Бүгін ҚР Президент әкімшілігінің және аудандық мәслиxаттың келісімімен,  Жамбыл облысы әкімінің өкімімен Нарбай Әбілқасымұлы Ергебеков Жуалы ауданының әкімі болып тағайындалды. Ауданға арнайы барған облыс әкімі Асқар Мырзаxметов аудан активіне жаңа әкімді таныстырып,  жұмысына сәттілік тіледі.

Нарбай Әбілқасымұлы Ергебеков 1963 жылы туылған. Білімі жоғары. 1987 жылы Жамбыл гидромелиоративтік құрылыс институтын «гидромелиорация», 2002 жылы М.Х.Дулати атындағы Тараз мемлекеттік университетін «жерге орналастыру және жер ресурстарын басқару» мамандықтары бойынша бітірген. Еңбек жолын 1987 жылы Жуалы ауданындағы Ақсай су шаруашылық басқармасының инженері болып бастаған. Ақсай су шаруашылық басқармасының бастығы, Жуалы аудандық жер инспекциясының инспекторы, бастығы, Жуалы ауданы әкімдігінің ауылшаруашылығы және жер қатынастары бөлімі бастығының орынбасары, Жуалы ауданы әкімдігінің тұрғын үй-коммуналдық шаруашылық, жолаушылар көлігі және автомобиль жолдары бөлімінің бастығы қызметтерін атқарған. 2009 жылдың наурызынан бастап Жуалы ауданы әкімінің орынбасары қызметін атқарып келген. Өз кезегінде Нарбай Әбілқасымұлы артылған сенімді ақтауға барын салатынын, өңірдің дамуы жолында аянбай тер төгетінін жеткізді. Асқар Исабекұлы өңір экономикасын көтеруде, әлеуметтік мәселелерді шешуде аудан басшыларына артылар міндеттің мол екенін баса айтып, жаңа әкімге нақты тапсырмалар жүктеді. Ал, бұған дейін ауданды басқарып келген Бақтияр Көпбосынов облыс әкімдігінің жер қатынастары басқармасының басшысы болып тағайындалды.

Асқар МЫРЗАХМЕТОВ – ЖАМБЫЛ ОБЛЫСЫНЫҢ ӘКІМІ


 

Тақырып бойынша материалдар

Танымал жаңалықтар

МАГИСТРАТУРАҒА ТҮСУ ЕРЕЖЕЛЕРІ ӨЗГЕРДІ
19:09, 12 тамыз 2019
МАГИСТРАТУРАҒА ТҮСУ ЕРЕЖЕЛЕРІ ӨЗГЕРДІ
Толығырақ...
ДЕНСАУЛЫҚ САҚТАУ САЛАСЫНДА МАМАН ТАПШЫ
18:14, 13 тамыз 2019
ДЕНСАУЛЫҚ САҚТАУ САЛАСЫНДА МАМАН ТАПШЫ
Толығырақ...