Биыл Кеңес әскерлерінің Ауғанстан жерінен шығарылғанына 33 жыл толды. 10 жылға созылған соғысқа елімізден 22 мың қазақстандық қатысып, мыңнан аса боздақ қанды қырғында қаза тапқан. Өрімдей жас жігіттер жат жерде интернационалдық борыштарын орындап, өмірлерін аямай, соңғы демі қалғанша анттарына адал болған. Солардың бірі Саухатов Ережеп Бижігітұлы. Сұм соғыстың құрбаны болған азаматқа Жамбыл ауданы Өрнек ауылында ескерткіш тақта ашылды.